Reencuentro

Reencuentro de Fred Ulhman foi o motivo da nova xuntanza da Curuxa sabia. Título moi apropiado para as nosas reunións, xa que nos reencontramos con membros do club que xa non están no noso centro, pero seguen apegados á lectura.

Historia marabillosa que trata o tema da amizade de dous mozos, que non encaixan no grupo, e que se acaban atopando. A forte presión social da Alemaña nazi acaba separándoos no desenvolvemento da historia, pero, ao final, dalgunha maneira volven a atoparse. 

Esta lectura gustou moito. Falamos de sentimentos, de historia, de política, de actualidade. Que máis se lle pode pedir a un libro?

Agora xa temos entre mans Ninguén contará a verdade de Pedro Feijoo. 

Unha de medo

 Aire negro de Agustín Fernández Paz e As mans do medo de Xosé Miranda foron o motivo de conversa co alumnado do Club de 3º e 4º ESO e 1º de bacharelato. 

Despois do faladoiro, compartimos os nosos medos.

E, finalmente, coñecimos a próxima lectura para despois do Nadal é El curioso incidente del perro a medianoche de Mark Haddon.

Amigos robots

El pasado viernes (24 de noviembre) el club de lectura “Lectura con-ciencia” se reunió para poner en común la lectura AMIGOS ROBOTS. 

En ella Robbie y Sally –protagonistas de los dos relatos que conforman la obra- despertaron en sus lectores los interrogantes que Isaac Asimov, su autor, pretendía que nos hiciéramos: ¿Puede un androide como Robbie ocupar el corazón de una niña y llegar a suplir así a un ser humano? ¿Podrían los robots, como Sally, volverse en contra del ser humano hasta acabar con ellos? ¿La rebelión de las máquinas está cerca?

Preguntas tan profundas como la conciencia de la propia existencia, la emoción y creatividad como exclusivos de los individuos o inclusive el trazo de conexiones interartísticas, afloraron a través de los escasos veinte minutos de reunión. 

Asimov escribió estas historias hace más de medio siglo acuñando lo que hoy conocemos como las Leyes de la Robótica. Sesenta años después sus ficciones conservan esa vigencia propia de los textos de la literatura universal consiguiendo acercar a nuestros jovencísimos lectores a temas tan profundos como la existencia humana o su perpetuidad. 

E ti que contas?

O luns xuntouse o Club de lectura E ti que contas?, na biblioteca do Colexio de Educación Especial. Tocounos falar de Muhammad Ali. Fixemos un percorrido pola súa vida, atendendo especialmente ao empeño que puxo en conseguir os seus soños; tamén, nos gustou a súa loita pola igualdade.

Chegamos á conclusión de que, se realmente queremos conseguir algo, debemos loitar con todas as nosas forzas por conseguilo.

Rematamos a xuntanza coa elaboración dun mural que adornou a biblioteca. Que momentos máis fermosos e especiais vivimos neste Club. E agora a pensar na seguinte lectura. Tamén do mundo do deporte.

Vémonos mañá

Bibiano, Josefina. Que historia! Opinións variadas sobre este libro de Xosé Monteagudo, pero todas coincidiron en que paga a pena coñecer a estes personaxes. Falamos de literatura, pero tamén de historia. Un encontro realmente proveitoso.

A próxima xuntanza será o 30 de novembro e o libro escollido Reencuentro de Fred Uhlman.

Historias de medo

As historias de medo gustan e o relato da avoa Pacita, contado por Teresa, conseguiu captar a atención dos membros do club que estabamos presentes. Así comezou a xuntanza antes de propor os libros a ler: Aire negro de Agustín Fernández Paz e As mans do medo de Xosé Miranda.

Rematamos con historias de medo contadas polo alumnado. Unha xuntanza que deu moito de si.

Amigos robots

Palabras e ciencia tivo o seu primeiro encontro. Cristina e Vicky quixeron coñecer os gustos litararios do alumnado de 1º e 2º ESO integrante deste club. Despois, presentaron a lectura e fixérono tan ben que seguro que saíron con moitas ganas de ler estes relatos de Isaac Asimov, Amigos robots.

Comezamos a ler!

 

Vén ao Club de lectura!

Estamos de volta con novidades importantes. Xa tivemos a xuntanza inicial e proximamente reunirémonos para falar de libros. Este curso temos varios grupos segundo idades ou temáticas. Xa vos conto:

- en 1º e 2º ESO Cristina e Vicky porán en funcionamento "Palabras e ciencia"

- en 3º e 4º ESO e bacharelato Teresa e Antonio guiarán as xuntanzas

- Paloma e Andrea falarán coa rapazada de "Lecturas diversas"

- Lupe reunirá a un grupiño de 3º ESO co alumnado do Colexio de Educación Especial. "E ti que contas?"será sobre todo un club de escoita

- A curuxa sabia segue a compartir lecturas con profesorado que segue no noso centro e outro que segue a sumarse ás xuntanzas aínda que xa non está nel

Todo isto ten moi boa pinta!!! Non esquecemos a Teresa que, ademais de animar a un grupiño de alumnado lector, segue a coordinar marabillosamente todas as propostas e xuntanzas deste Club de lectura.

La desconocida

 Última xuntanza do Club do profesorado. O motivo era comentar as nosas impresións sobre La desconocida de Rosa Montero e Olivier Truc. Coincidimos en que era unha historia entretida e que mantiña o interese da persoa lectora. Como, por motivos varios, eramos moi pouquiñas decidimos volver comentar esta lectura en setembro; por iso, nesta entrada non comentaremos nada máis, para non dar pistas.

Iso si! Recordade ler no verán. Repasade este libro e ide lendo o seguinte, Vémonos mañán de Xosé Monteagudo.

Boas vacacións e pracenteiras lecturas😀😍

Unha xuntanza moi especial

Última xuntanza do Club de lectura inclusiva, un club de escoita exemplar no que mozos e mozas se sentiron moi a gusto. Nesta sesión o alumnado encargado de ler foi o de 3º de ESO do noso club. Participaron con moitas ganas. Ademais, contamos con Irene e Fran que se encargaron de presentar as actividades. E tamén con outras alumnas de Oratoria que nos axudaron en todo momento. Encargáronse de recibir aos compañeiros e compañeiras e ás profesoras do cole e de facerlle uns bonitos debuxos nunhas libretiñas de agasallo. 

Agradecemos a participación de todo este alumnado e esperamos que siga a colaborar con nós.

Despois da lectura e de escoitar algunha canción de Bob Dylan, fomos ao Salón de actos para ver unha representación teatral dirixida pola coordinadora do Club, Teresa, e interpretada polo alumnado de 2º ESO. Representaron Menuda nochecita e fixérono realmente ben.

E, por último, unha merenda na cafetería para compartir uns momentos de lecer. Só nos queda despedirnos ata o próximo curso que xa comezaremos desde o principio con moita forza.

Xincana literaria

Hoxe o Club de lectura Curuxaina visitou Santiago de Compostela , como actividade de peche deste curso. 

Alí fixemos unha xincana literaria- fotográfica por lugares curiosos de Compostela,  aproveitamos para coñecer  a varios autores e autoras que viviron ou pasearon polas súas rúas, García Lorca, Rosalía de Castro ou Valle- Inclán. Tamén pasamos por algunhas das librarías máis interesantes da cidade. 

Despois deste paseo literario, fixemos unha parada na cafetaría do CGAC, onde falamos das nosas lecturas preferidas. Puidemos comprobar unha vez máis que temos gustos moi diferentes;  libros de poesía, manga, novela de ciencia ficción, libros de astrofísica, pero que todas e todos desfrutamos coa lectura. 

Pásamolo moi ben na saída , aínda que se nos fixo un pouco  curta.

Las primas de Aurora Venturini

 Na última xuntanza da Curuxa sabia descubrimos a Aurora Venturini, que escribiu Las primas pasados os oitenta anos. Desde logo, esta lectura non deixou indiferente a ninguén e a linguaxe empregada, en nada "politicamente correcta", levounos a debater a actual pretensión de corrixir os textos dalgúns autores.

É unha lectura de temática dura protagonizada por mulleres con distinto grao de discapacidade, que invita á reflexión: abusos contra as mulleres, prostitución, aborto... Pero, a pesar de todo isto, Aurora Venturini, ás veces, é capaz de provocar un sorriso na persoa lectora coa súa forma de narrar ou, mellor, dito, coa maneira que Yuna é quen de contarnos esta tremenda historia.

Recomendamos esta lectura e xa nos preparamos para a seguinte, La desconocida de Rosa Montero.

Picasso 2023

 Nova xuntanza do Club de lectura co Colexio de Educación Especial. Adicamos a lectura a Picasso e aproveitamos para desenvolver a creatividade. O resultado foi marabilloso!

Fixádevos que taboleiro máis bonito temos no corredor.

Desconocidos

 Hoxe no club de lectura falamos de Desconocidos de David Lozano, unha novela sobre os perigos que agochan as citas "a cegas". O libro gustou moito, sobre todo polo xiro sorprendente que dá nas últimas páxinas. Despois da charla sobre esta historia tan inquietante, aínda nos deu tempo de montar un par de collages, para animar a máis xente a ler a novela.

Para o mes de maio temos unha lectura de Andrea Maceiras, O que sei do silencio, que tamén toca un tema moi de actualidade, por desgraza, o bullying.

Seguro que será unha lectura moi entretida e interesante.