Na sesión de xuntanza tamén votaron os mellores deseños de caretas da actividade proposta pola biblioteca.
Verémonos á volta do Entroido, para repartir a nova lectura, que vai sobre peixes... O alumnado está expectante.
Seguimos viaxando coa lectura grazas ao entusiasmo do niño da Curuxaina. Vémonos en marzo!
A próxima viaxe lectora é presentada a través de dous booktrailers moi potentes que xunto con fotos e obxectos nos abren a porta a unha nova aventura... Poderemos escoller entre Las lágrimas de Shiva de César Mallorquí ou Jules Verne e a vida secreta das mulleres planta de Ledicia Costas.
Vémonos o 24 de febreiro. Disfrutaremos dunha xincana literaria, estades xa a punto?
Grazas Héctor, coma sempre!
Houbo cinema con tres emotivas curtametraxes; houbo reparto de amizade invisible. A rapazada trouxo o seu libro favorito da casa, envolto con moito agarimo 💗💚💜 Houbo para todos os gustos.
De novo o Club fai unha parada na súa viaxe, para comentar as experiencias vividas coas personaxes protagonistas dos seus libros. Unhas experiencias sempre enriquecedoras que irán gardando no seu interior como se dunha maleta se tratase.
Na xuntanza deste xoves, as bandas deseñadas de medo volveron á biblioteca e as lectoras e lectores compartiron con entusiasmo o libro que lles tocara ler. Frankenstein sorprendeu a Lía, Stranger Things deixou pegada en Tiago e Aitana desfrutou cos misterios de Moeche.
Tamén, viaxamos polo mundo, situando eses lugares que fomos percorrendo a través das viñetas deste mes. As chinchetas cravaron destinos variados e diferentes nos que soñamos as historias lidas. Que país foi o máis visitado? Seguro que, se pensades un pouquiño, acertades. A voar esa imaxinación!
