Ademais, tiñan preparada unha sorpresa. Agasalláronnos cun doce de castañas feito polos compañeiros e compañeiras. Estaba riquísimo! Tamén nos explicaron con fotos como elaboraran esta tarta. Seguro que alguén se animará a facela na súa casa.
Como sempre, unha reunión moi agradable.
Comezamos a primeira sesión do club de lectura de 3º, 4º ESO e 1º de bacharelato. Para esta ocasión eliximos a lectura Ladydi de Jennifer Clement, unha obra intensa e conmovedora que nos levará ao México rural, onde as mulleres deben enfrontarse a situacións de violencia e desigualdade, tentando sobrevivir nun mundo marcado polo narcotráfico e a pobreza.
Esperamos que esta obra nos inspire e axude a reflexionar e a dialogar e que, entre todas e todos, poidamos profundizar no seu contido e mensaxe.
Benvidas e benvidos ao Club de lectura!
A mini xuntanza desta semana foi para repartir a lectura do mes de novembro: O misterio de Portomarín de Antía Yáñez Rodríguez. A experiencia desta lectura ímola compartir co alumnado do IES Chano Piñeiro de Forcarei. Temos xa moitas ganas de coñecelos.
Vémonos dentro dun mes para falar desta historia.
Primeira xuntanza do club do profesorado para falar de Orquesta de Miqui Otero, unha viaxe a tempos non moi lonxanos que aínda recordaban algunhas integrantes do club.
Para finalizar, houbo varios voluntarios que recitaron o poema de Frederick.
Vémonos en novembro cunha historia de medo!👻👻
