O manga chega con forza ao Club

Hoxe, por fin, puidemos reunirnos no Club de Lectura Curuxaina. Non eramos moitos, pero foi unha xuntanza ben interesante e entretida. Falamos de novela gráfica e de manga  e comprobamos que estas lecturas teñen moito éxito entre as curuxainas!

As obras que máis gustaron foron Uzumaki de Junji Ito; Heartstoppers de Alice Oseman e, por suposto, Guardianes de la noche de Koyoharu Otoge.

Como as opinións resultaron moi interesantes, imos facer unha segunda sesión o venres 31 e subir algunhas das críticas ao blog e ao Instagram do grupo.

E para que non falte lectura para os próximos días de descanso, acabamos de repartindo o novo libro, Desconocidos, de Diego Lozano do que falaremos o vindeiro mes.

Ons

 Nova xuntanza do Club para falar de Ons. A rapazada manifestou diferentes opinións sobre o libro e foi contestando a unha serie de preguntas para intentar abrir un pequeno debate. 

Só nos faltou coller o barco e achegarnos á illa. Farémolo algún día?

Rematado o debate, tocou escoller a próxima lectura: novela gráfica e manga. Proposta moi interesante.

A cebra Camila

 A cebra Camila foi a lectura escollida para unha xuntanza moi especial. O alumnado de 3º PDC contoulles esta historia ao alumnado do Colexio de Educación Especial, mentras lle ían poñendo todas aquelas cousiñas que facían á cebra diferente e moi especial.

Xa tiñamos moitas ganas de retomar estas xuntanzas suspendidas por mor da Covid. Esta foi a sesión de inauguración, pero haberá máis.

Nova xuntanza

A última reunión do Club de lectura foi intensa xa que tiñamos moitos libros dos que falar.

Por unha banda, comentamos os libros de medo e misterio: La maldición de Banshee acadou moi boas críticas, xunto con Los mejores relatos de terror llevados al cine e La profecía del abad negro.

Pola outra, falamos dos libros que levamos nas vacacións de Nadal escollidos na biblioteca polos integrantes do club. Todos resultaron moi axeitados.

Por último, tocou repartir a próxima lectura: Ons de Carlos Meixide. temos moitas ganas de adentrarnos nesta historia que se desenvolve tan cerca da nosa vila e nun lugar dos máis fermosos de Galicia.

Vémonos nun mes e xa vos contamos que nos pareceu!

Pura pasión

 Xuntanza apaixoada foi a do Club de lectura A curuxa sabia. Falamos de Pura pasión de Annie Ernaux. As opinións foron variadas aínda que, en xeral, gustou. Esa pasión obsesiva da protagonista non deixou indiferente a ningún membro do Club. Desmenuzamos os encontros e as esperas, pero tamén como se reflicten esas vivencias na escrita. A pasión amorosa e a pasión literaria, que mellor tema para unha xuntanza?

O próximo encontro será para falar de O último día de Terranova de Manuel Rivas. Teremos un debate tan intenso?